Baladwayne ( Radio Beerlula )-Halyeyga Arsenal ee Ian Wright ayaa saadaaliyey kulanka adag ee Sabtida ee horyaalka Premier League ee Liverpool iyo kooxdiisii hore ee Arsenal, kuwaas oo garoonka Anfield ku kala calaf-qaadi doona, iyadoo midkooda guuleysta uu awood u yeelan doono inuu hoggaanka isku ballaadhiyo.
Arsenal oo ay ugu dambaysay inay guul ka keento Anfield sannadkii 2012, ayaa waxa sugaya imtixaan adag, laakiin Ian Wright waxa uu rumaysan yahay in doorkan uu tababare Mikel Arteta soo afjari doono inkaartaas.
Ian Wright oo ka hadlayay ciyaartan ayaa yidhi: “Waxay ila tahay in ay Arsenal guuleysan doonto, waana qasab inay guuleystaan. Wixii dhacay ciyaartii Liverpool ee xilli-ciyaareedkii hore oo ay taayiradu bilaabeen inay gariiraan, kooxdan xisaabta ayay ugu jiraa. Waxa aan saadaalinayaa in Arsenal ay 2-1 ku badin doonto.”
Waxa kale oo uu Ian Wright sheegay in natiijada ciyaartan ay niyad-dhis weyn u noqon doonto Arsenal oo ay ka caawin doonto inay u dagaallanto inay u dagaallamaan sidii ay ugu guuleysan lahaayeen horyaalka Premier League, waxaana uu xusay in Gunners ay haysato wax kasta oo u sahlaya inay garaacdo Liverpool.