Baladweyne (Radio Beerlula)-Halyeeyga kooxda Liverpool ee Jamie Carragher ayaa magacaabay shaxdiisa ugu fiican ilaa haatan horyaalka premier League xilli ciyaareedkan kuna soo daray 7 xiddig oo kooxda Liverpool ah laakiin ka reebay xiddigaha reer Brazil ee Alisson, Fabinho & Roberto Firmino.
Daafacii hore ee Reds ayaa kooxdiisii hore ka soo doortay 7 xiddig xilli ay Reds 25 dhibcood ku hogaaminayso horyaalka premier League.
Dhanka daafaca Jamie Carragher ayaa ka soo doortay dhamaan kooxda Liverpool laakiin ka reebay Goolhaye Alisson inkasta oo uu xilli ciyaareedkan ilaashaday 10 kulan shabaqiisa.
Waxa uu Goolhayaha u magacaabay Goolhayaha Kooxda Sheffield United ee Dean Henderson kaas oo wacdaro dhigaya xilli ciyaareedkan.
Sidoo kale waxa uu weerarka ku bilaabay xiddigaha Mohamed Salah iyo Sadio Mane halka uu Man City ka magacaabay xiddigaha Kevin De Brunyne iyo Sergio Aguero.
Xiddiga Aston Villa ee Jack Gralish ayaa sidoo kale khadka dhexe ku bilowday shaxda jamie Carragher.
Halkan Kaga Bogo Shaxda Carragher ee ilaa haatan ugu fiican Premier League;
Dean Henderson (Sheff Utd), Alexander-Arnold, Robertson, Gomez, van Dijk, J Henderson (all Liverpool), De Bruyne (Man City), Grealish (A Villa), Mane, Salah (both Liverpool), Aguero (Man City)
