Baladweyne (Radio Beerlula)-Xiddiga khadka dhexe ee kooxda Borussia Dortmund ee Jude Bellingham ayaa ka fal celiyay guushii weynayd ee ay Liverpool ka gaadhay kooxda Man United kulan ka tirsanaa premier League.
Kooxda Liverpool ayaa guul 7/0 ah ka gaadhay Man United kulan ka dhacay Anfield kana tirsnaaa horyaalka premier League.
Reds ayaa soo bandhigtay qaab ciyaareedkoodii ugu fiicnaa xilli ciyaareedkan waxana ay dhulka la dhaceen kooxda Man United oo ku jirta qaab ciyaareedkoodii ugu fiicnaa xilli ciyaareedkan.
Xiddiga Trent Alexander-Arnold ayaa kadib ciyaarta baraha bulshada ugu dabaal dagay isaga oo soo dhigay sawir uu ku garab galay calaamada garoonka Anfield ee “This Is Anfield”.
Waxa sawirka “Like” Saaray xiddiga Dortmund ee Bellingham kaas oo u muuqday mid saaxiibkiisa ay isku xulka qaranka yihiin kula dabaal dagay guushii ay Reds gaadhay.
Xiddiga Jude Bellingham ayaa si weyn loola xidhiidhinayaa kooxaha Man United iyo Liverpool xilli la filayo in uu isaga tago Dortmund.