Baladweyne (Radio Beerlula)- Tartanka kubadda cagta degmooyinka iyo deegannada gobolka Banaadir oo ay qeyb ka tahay degmada Balcad ayaa si habsami leh uga socda magaalada Muqdisho iyadoo maanta la ciyaaray afar kulan oo ka tirsan tartanka.
Kooxda kubadda cagta degmada Hodan ayaa gaartay guusheedii labaad ee tartanka kadib markii 2-1 ay uga adkaatay degmada Wadajir.
Sidoo kale kooxda degmada Boondheere ayaa gaartay guushii ugu horeysay tartanka degmooyinka gobolka Banaadir iyadoo 1-0 uga badisay kooxda degmada Balcad.
Kooxda kubadda cagta degmada Shingaani ayaa gaartay guusheedii ugu horeysay tartanka kubadda cagta degmooyinka iyo deegaanada Gobalka Banaadir kadib markii 1-0 uga badisay kooxda kubadda cagta degmada Holwadaag.
Ugu dambeyntii kooxda kubadda cagta degmada Dharkenley ayaa gaartay guusheedii labaad kadib markii 3-0 ay uga badisay kooxda kubadda cagta deegaanka Daaru-salaam.