Baladwayne ( Radio Baladwayne )-Magaalada Baladweyne ee xarunta gobolka Hiiraan ayaa waxaa ka socda wareega labaad ee tartanka kooxaha heerka labaad ee Baladweyne, iyadoona galab kasta tartanka ay ka haran laba kooxood.
Galabta waxaa kulanka koowaad fooda is daray kooxaha Al Ahli iyo Hilaal, waxana wareega sadexaad u soo gudubtay kooxda Hilaal kadib markii 3-1 ay uga badisay kooxda Al Ahli.
Lugtii hore ee dhaxmartay labadan kooxood ayaa waxaa 1-0 ku badisay kooxda Hilaal.
Kulanka labaad ayaa dhaxmaray kooxaha Kasarani iyo Tawakal, waxana 2-1 ku badisay kooxda Kasarani, waxana wareega saddexaad u soo gudubtay kooxda Kasarani.
Sidoo kale lugtii hore ee tartanka ayaa waxaa 1-0 ku badisay Kasaraani.