Baladweyne ( Radio Beerlula)- Tartanka kubadda cagta degmooyinka iyo deegannada gobolka Banaadir ee ka socda Magaalada Muqdisho ayaa xiligan maraya heer gabo gabo ah.
Kooxaha degmooyinka Warta nabadda iyo Shangaani ayaa galabta fooda isku daray garoonka kubadda cagta Eng Yariisow ( ex koonis) iyadoo ciyaartan ay daawanayeen boqolaal dad ah iyo masuuliyin ka tirsan labada degmo.
Ciyaarta ayaa 90-kii daqiiqo ee loogu talo galay ku soo dhamaatay barbaro 0-0.
Kooxda kubadda cagta degmada Warta nabadda ayaa iska xaadirisay finalkaa tartanka degmooyinka iyo deegaanada gobolka Banaadir kadib markii rigoorayaal 5-3 ay uga badiyeen kooxda kubadda cagta degmada Shangaani.
Kooxda kubada cagta degmada Wartanabadda ayaa ciyaarta finalka la ciyaari doonta kooxda kubada cagta Gubadley oo shalay ka badisay kooxda kubada cagta Yaaqshid.