Baledweyne ( Radio Beerlula )-Red Devils ayaa qaybtii hore ee ciyaarta soo bandhigtay qaab ciyaareedkii ugu liitay, taasoo keentay in ay la kulmaan guuldaradii afraad oo xiriir ah tartamada oo dhan.
Waa markii ugu horaysay muddo 63 sano ah kooxda Manchetser United afar kulan si xiriir ah u lumiso tartamada dhan.
Joshua Zirkzee iyo Casemiro ayaa waji gabax kala kulmay guuldaradii naxdinta lahayd ee ay Manchester United ka soo gaartay Newcastle.
Ciyaarta ayaa kusoo dhamaatay 2-0, laakin wax walba waxaa kaga darnaa Red Devils in loo diiwaan galiyay qaab ciyaareedkii ugu xumaa abid horyaalka Premier League.
Ciyaaryahan Alexander Isak ayaa daqiiqadii 4-aad ee ciyaarta madax ku dhaliyay goolka furitaanka Newcastle United kadib markii uu ka faa’iideystay qalad ka dhacay difaaca Manchester United.
Goolka labaad Newcastle isla qeybta hore waxaa u dhaliyay Joelinton oo isna madaxa uu xaday dhax dhigay shabaqada United.
Guud ahaan kulanka ayaa kusoo dhamaaday 2-0 oo lagu garaacay Man United oo hadda xaaladii ugu xumeyd dhax maquuraneysa.