Baladweyne (Radio Beerlula)-Warar Ka Imaanaya Jarmalka ayaa Liverpool La Xiriirinaya Saxiixa Weeraryahanka Frankfurt, Marmoush.
Sida laga soo xigtay Sky Germany, kooxda Reds ayaa wadahadallo hordhac ah la yeelatay Marmoush, waxayna u badan tahay inay ku qarashgareyso inta u dhaxaysa £41m ilaa £50m haddii ay doortaan inay la saxiixdaan bisha Janaayo. Si kastaba ha ahaatee, waxaa la rumeysan yahay in aysan macquul aheyn inuu ka tago Frankfurt bbisha Janaayo, maadaama Frankfurt ay rabto inay heshiis cusub la gaarto, inkastoo uu hadda dib u dhigayo heshiis kordhintaas.
25-jirkan ayaa xilli ciyaareedkan ku bilowday qaab ciyaareed cajiib ah, isaga oo dad badan ka yaabiyay kadib markii uu dhaliyay 10 gool isla markaana caawiyay toddoba gool 12 kulan oo uu ciyaaray tartamada oo dhan.
Waxa uu gool dhaliyay, caawiyay na saddex kulan oo horyaalka ah, iyadoo mid ka mid ah kulamadaas uu ahaa mid ay la ciyaareen Bayern Munich. Qaab ciyaareedkiisa wanaagsan ayaa sii kordhayaa kadib markii uu xilli ciyaareedkii hore dhaliyay 17 gool iyo lix caawin 41 kulan oo uu saftay.
Marmoush ayaa la rumeysan yahay inuu yahay ciyaaryahan leh xirfado kala duwan oo uu kaga soo muuqan karo garbaha ama booska weerarka dhexe, taasoo siin karta Liverpool fursado kala duwan oo weerar.
Haddii uu Liverpool ku soo biiro, wuxuu yeelan karaa saamayn degdeg ah, gaar ahaan iyadoo la og yahay in uu yahay ciyaaryahan diyaar u ah inuu si degdeg kula qabsado garoomada waaweyn.