Baladweyne ( Radio Beerlula)-Madaxweynaha kooxda Al-Ahli ee Sacuudiga, Khalid Al-Ghamdi, ayaa muujiyay farxad weyn kaddib markii kooxdiisu ku guuleysatay horyaalka Asian Champions League ee kooxaha heerka sare ah, taasoo ah markii ugu horreysay ee kooxda ay hantiso koobkan. Al-Ghamdi wuxuu tilmaamay in tartankani uu ahaa “midka ugu adag uguna xoogga badan,” isagoo ammaanay kooxda oo aan hal guuldarro la kulmin, taasoo uu ku sheegay guul aan caadi ahayn.
Al-Ghamdi wuxuu si gaar ah ugu mahadceliyay taageerayaasha kooxda, isagoo sheegay in taageeradooda ay ahayd mid cajiib ah oo xitaa ka xoog badan taageerada kooxaha kale ee Roshan League. Sidoo kale, wuxuu ammaanay tababare Yaicel oo uu ku tilmaamay hoggaamiye aragti dheer leh, wuxuuna xaqiijiyay inuu kooxda sii hoggaamin doono tartamada soo socda.
Madaxweynaha ayaa xusay in dhammaan ciyaartoyda ay ahaayeen geesiyaal garoonka gudihiisa, isagoo si hoose u qirtay inuu dareemayo inuusan gaarsiisnayn waxqabadka weyn ee kooxda, isagoo qiray in Al-Ahli ay muhiim weyn u leedahay qof kasta oo la shaqeeya.