Baladweyne (Radio Beerlula)-Kooxda Man United ayaa si Rasmi ah ugu dhawaaqday in ay dhamaystirtay saxiixa Xiddiga Wout Weghorst kaas oo ay qaab amaah ah ula soo wareegtay.
Wout Weghorst ayaa noqday xiddigii 2-aad ee ay Man United la soo wareegto suuqa January ee bishan kadib Jack Butland.
Xiddiga Wout Weghorst ayaa Man United kaga soo biiray kooxda Burnley kadib markii ay Besiktas kansashay heshiiskii amaahda ahaa ee ay ku haysatay xiddiga.
Weghorst: “Waxaan arkay horumarka United ee Erik ten Hag. Wax kasta oo dhaca bilaha soo socda, waxaan balan qaadi karaa inaan kooxda wax walba oo karaankeyga ah siiyo ilaa iyo inta aan halkaan joogo” ayuu yiri.
Weghorst ayaa horay uga soo ciyaaray Premier League waxana uu sidoo kale la shaqayn doonaa Tababaraha ay isku dalka yihiin ee Erik Ten Hag kaas oo si gaar ah u dalbaday xiddiga.