Baladweyne ( Radio Beerlula )-AMAD DIALLO ayaa mar kale ahaa badbaadiyaha Man Utd isagoo dhaliyay saddexley toban daqiiqo gudaheed kulan kooxdiisa qarka u fuushay guuldarro.
Kooxda Southampton ayaa goolka la hor martay,waxaana iska dhaliyay Manuel Ugarte, oo xakameyn waayay koorno ka timid dhanka midig.
Alejandro Garnacho iyo Anthony ayaa labaduba qasaariyay fursado dahabi ah, iyadoo kooxda Ruben Amorim ay ku dhibtooneysay inay jabiso daafaca kooxda ugu hooseysa horyaalka Premier League.
Laakiin Diallo ayaa mar kale usoo gurmaday isaga oo toban daqiiqo gudahood ku dhaliyay 3 gool oo saddexda dhibcood siiyay Man United.
Ruben Amorim ayaa seddex isbedel ku sameeyay shaxdii ay kaga badiyeen Arsenal isbuucaan, iyadoo Andre Onana, Leny Yoro iyo Amad Diallo dhamaantood fursad kusoo bilaabasho lasiiyay.
Southampton ayaa qaybtii hore ee ciyaarta ahayd kooxdii ugu fiicnayd, waxayna ku dhawaatay in ay goolka furitaanka la timaado kadib markii uu Kamaldeen Sulemana uu kubad joog hoose ah ka badbaadiyay goolhaye Onana.
Laakiin koorno uu soo qaaday Mateus Fernandes ayaa ugu dambeyn keentay inuu si qaldan gool kaga dhaliyo kooxdiisa Man United Manuel Ugarte.
Goolkaas oo taagnaa ilaa daqiiqadio 82aad, waxaa barbareeyay Amad Diallo, oo kan labaad iyo saddexaad raacsaday dhamaadka ciyaarta.
Guud ahaan kulanka ayaa kusoo dhamaada 3-1 oo ay guul soo laabasho ah ku gaartay kooxda Manchester United.