Baladweyne ( Radio Beerlula )-Midowga Yurub ayaa Arbacada maanta ah ku dhawaaqay tallaabooyin ganacsi oo aargudasho ah, iyagoo soo rogay cashuuro cusub oo lagu kordhinayo badeecadaha warshadaha iyo wax-soo-saarka beeralayda Mareykanka.
Tallaabadan ayaa ka dambeysay kaddib markii maamulka madaxweyne Donald Trump uu sare u qaaday dhammaan cashuuraha birta iyo aluminium-ka la keeno Mareykanka, taasoo lagu kordhiyey 25%.
Midowga Yurub, oo horey u filayey go’aankan, ayaa diyaarsaday tallaabooyin jawaab celin ah.
Midowga Yurub wuxuu qiyaasayaa in ganacsiga labada dhinac uu sanadkii gaarayo qiyaastii $1.5 tirilyan, taasoo matalaysa ku dhawaad 30% ganacsiga caalamka.