Baledweyne ( Radio Beerlula )-Mohamed Salah ayaa codsi u diray Liverpool halka Arne Slot uu digniin ka soo saaray horyaalka.
Liverpool ayaa ku raaxeysanaysa bilow wanaagsan xilli ciyaareedkan oo uu hogaaminayaan tababaraha cusub Arne Slot, waxaana ay heli karaan fursad ay sideed dhibcood uga sarreeyaan kooxda difaacaneysa horyaalka Premier League, Manchester City, haddii ay ka adkaadaan Southampton.
Liverpool waxay haystaan fursad dahabi ah oo ay ku heli karaan hoggaan sideed dhibcood ah marka ay la ciyaaraan Southampton maanta.
Kooxda Arne Slot ayaa haatan shan dhibcood ka sarreysa kooxda difaacaneysa horyaalka, Manchester City, oo xalay 4-0 ay ku xasuuqday Tottenham. Haddii ay ka adkaadaan Southampton oo ah kooxda ugu hooseysa horyaalka, farqigaas wuxuu noqon doonaa sideed dhibcood.
Sida laga soo xigtay wargeyska BILD, Mohamed Salah ayaa ku booriyay Liverpool inay la saxiixato saaxiibkiisa xulka qaranka Masar, Omar Marmoush.
Marmoush oo u ciyaara Eintracht Frankfurt ayaa si weyn u soo bandhigay qaab ciyaareed heer sare ah xilli ciyaareedkan, isagoo dhaliyay 14 gool 18 kulan oo uu saftay tartamada oo dhan. Warbixinta ayaa sheegeysa in kooxda Frankfurt ay dul dhigtay ciyaaryahanka qiimo dhan £50 milyan.
Sidoo kale waxaa la sheegay in Salah uu si shakhsi ah ugu ololeeyay in Liverpool ay la soo wareegto Marmoush, oo 25 jir ah, kaas oo la sheegayo inay xiiseynayaan kooxo badan oo ay ku jiraan Bayern Munich.