Baledweyne ( Radio Beerlula )-Mohamed Salah ayaa u muuqda mid xaqiijiyay in uu isaga tagi doono kooxda Liverpool xagaaga isaga oo isku dayaya in uu ku guulaysto xili ciyaareedkiisa ugu dambeeya horyaalka premier League.
Wareysi uu siiyay Sky Sports, Salah ayaa u muuqday mid xaqiijinaya inuu ka tagayo Liverpool xagaaga marka uu qandaraaskiisu dhaco.
Ciyaaryahanka heerka caalami ee dalka Masar ayaa sheegay in kani uu yahay sanadkii ugu dambeeyay ee uu ka ciyaaro Anfield.
Waxa uu tilmaamay inuu u baahan yahay inuu ku guuleysto koob kale oo Premier League ah xili ciyaareedkiisa ugu danbeeya ee Liverpol.
Salah wuxuu kujiraa qaab ciyaareed qurux badan, isagoo dhaliyay 17 gool 18 kulan oo horyaalka ah, halka uu sidoo kale 13 caawin sameeyay.
Salah ayaa sheegay inuu baranayo Isbaanishka, taasoo la micno ah inuu si maldahan u sheegay inuu u dhaqaaqi karo La Liga, halka sidoo kale lala xiriirinayo inuu ku biiri karo Paris Saint-Germain oo ka ciyaarta Ligue 1 iyo horyaalka Saudi Arabia.
Liverpool ayaan wali ka quusan in ay sii haysato Salah, laakiin waraysigii ugu dambeeyay ayaa quus galiyay maamulka Reds.