Baladweyne (Radio Beerlula)-Kooxda Juventus ayaa guuldaro weyn kala kulantay kooxda Napoli kulan ka tirsanaa horyaalka Talyaaniga.
Kulanka ayaa ahaa mid laga fiicanyahay kooxda marwada duqda ah xilli hogaamiyayaasha horyaalka Talyaaniga ahaayeen kuwa fiican.
Napoli ayaa daqiiqadii 14-aad dhalisay goolka 1-aad ee ciyaarta waxana u dhaliyay xiddiga Victor Osimhen kaas oo ciyaarta ka dhigay 1/0.
Kooxda Napoli ayaan halkaas ku joogsan waxana ay sii wadeen raadinta goolal ay ka dhaliyaan Juventus kuwaas oo dhinacooda raadinayay bar-baraha.
Daqiiqadii 39-aad ayay Napoli dhalisay goolka 2-aad waxana u dhaliyay xiddiga Khivcha Kvarstshelia kaas oo ciyaara ka dhigay 2/0.
Juventus ayaa daqiiqadii 42-aad dhalisay gool waxana u dhaliyay xiddiga Angel Di Maria kaas oo ciyaarta ku soo celiyay kooxdiisa.
Waxa sidaas ku dhamaatay qaybta hore ee ciyaarta oo ay Napoli hogaaminayso ciyaarta qaybteeda hore.
Qaybtii dambe ayay Napoli Dhulka ku jiiday Juventus kuwaas oo wax jawaab ah u waayay cadaadiska kooxda Napoli.
Daqiiqadii 65-aad ayay Napoli dhalisay goolka 3-aad waxana u dhaliyay xiddiga Victor Osimhen kaas oo ciyaarta ka dhigay 3/1 ay Napoli ku hogaaminayso ciyaarta.
Xiddiga Amir Rrahmani ayaa dhaliyay goolka 4-aad ee kooxdiisa daqiiqadii 55-aad waxana uu ciyaarta ka dhigay 4/1 ay Napoli ku raaxaysanayso hogaanka ciyaarta.
Xiddiga Elif Elmas ayaa daqiiqadii 72-aad dhaliyay goolka 5-aad ee kooxda Napoli kaas oo ciyaarta ka dhigay 5/1 ay Napoli ku gaadhay guul qaali ah.