Baladweyne(Radio Beerlula)- Qaramada Midoobay ayaa ku boorrisay dhinacyada isku haya Bariga Dhexe in ay joojiyaan dagaalka, islamarakana ay u soo jeystaan dagaalka lagula jiro xanuunka dunida gilgilay ee COVID-19.
Ergooyinka Qaramada Midoobay u fadhiya dalalka Siiriya, Ciraaq, Yemen, Lubaan,Falastiin iyo Isra’iil ayaa si wada jir ah bayaan ay u soo saareen ugu baaqay joojinta dagaalka gaarka ah oo ay u soo jeystaan dagaalka dunida u dhantahay ee lagu wajahayo Korona feyras.
“Dagaalka adag ee lagula jiro feyraska Korona waa mid ay tahay in loo midoobo si looga adkaado” ayaa lagu yiri bayaanka.
Bariga dhexe ayaa waxaa ka taagan colaad daba dheeraatay oo in ka badan 10 sano ka jirta inta badan dalal ku yaalla Bariga Dhexe, kaas oo soo billowday xoogiisa guga carabta xilligii loogu magac daray ee 2011
