Baledweyne ( Radio Beerlula )-Ciyaaryahanka khadka dhexe ee Manchester City, Rodri ayaa shaaca ka qaaday in Lamine Yamal oo katirsan Barcelona uu awoodo inuu ku guuleysto Ballon d’Or mustaqbalka dhow.
Rodri ayaa ku tilmaamay Yamal ciyaaryahan gaar ah, isagoo intaa ku daray inay qasab tahay inuu sii wato qaab ciyaareedkiisa cajiibka ah si uu heer wanaagsan u gaaro.
Labada ciyaaryahan ayaa ah saaxiibo caalami ah oo ka tirsan xulka qaranka Spain ah.,waxayna kuwada guuleysteen Euro 2024.
Rodri wuxuu dhawaan ku guuleystay abaalmarinta Ballon d’Or, halka Yamal uu ku guuleystay Kopa Trophy oo ah abaalmarinta la siiyo ciyaaryahanka ugu fiican da’ yarta adduunka.
“Lamine Yamal waxa uu ku guuleysan doonaa Ballon d’Or, taasi waa waxa qof walba uu filayo.
“Ma dhihi karo wuxuu ku guuleysan karaa hal ama labo, yaan cadaadis badan saarin isaga, laakiin waa mid gaar ah, waxaan dareemayaa inuu maalin uun heli doono abaalmarintaan.
Xiddiga Rodri ayaa dhaliil badan kala kulmay abaalmarinta uu qaaday sanadkaan, Waxaana dad badan ay u arkayeen inuu u qalmo Vini Jr oo ka tirsan Real Madrid.