Baledweyne ( Radio Beerlula )-Leicester ayaa u magacawday halyeeyga Manchester United Ruud van Nistelrooy inuu noqdo tababarahooda cusub, isagoo qalinka ku duugay heshiis dhacaya ilaa xagaaga 2027.
Magcaabistiisa ayaa timid maalmo ka dib markii tababaraha reer Holland uu isaga tagay Man Utd oo uu si ku meel gaar ah ula shaqeeyay.
Van Nistelrooy ayaa bedeli doona tababarihii Leicester Steve Cooper, kaasoo shaqada laga ceyriyay horaantii isbuucaan ka dib guuldaradii 2-1 aheyd oo ka soo gaartay Chelsea.
Van Nistelrooy ayaa dhawaan si ku meel gaar ah ula wareegay kooxda Man United kadib markii la ceyriyay Erik ten Hag isaga badiyay saddex kamid ah afar kulan oo uu maamulay.
Laba ka mid ah guulihii Van Nistelrooy ayaa yimid isagoo wajahaya kooxda Foxes oo uu kula ciyaaray Premier League iyo Carabao Cup.
“Waan ku faanayaa inaan shaqadaan la wareego, waana ku faraxsanahay,” ayuu yiri 48-jirka.
“Qof walba oo aan kala hadlo Leicester City waa mid xamaasad leh, wuxuuna ii sheegayaa in ay tahay koox weyn oo leh taariikh.