Baledweyne ( Radio Beerlula )-kulankii weynaa ee udhaxeeyay Arsenal iyo Liverpool ee la sugaayay isbuucaan oo dhan ayaa kusoo gabagaboobay garoonka Gunners Emirates Stadium.
Qeybta hore kulan xiiso leh oo u qalmay daawasho ayaa aragnay, iyadoo labada kabtan ee kooxaha shabaqa gaareen islamarkaana 3 gool la iska dhaliyay.
Bukayo Saka inuu usoo laabtay Arsenal waxay u aheyd kalsooni badan, waxaana la arkay saameyntiisii kooxda,isaga ayaa goolasha daah furay 10 daqiiqo ciyaarti markii ay soctay.
Xiddiga garabka ka ciyaara ayaa garabka kasoo xarooday, isagoo si wanaagsan u siray difaaca ka hor inta darbo xoogan uusan dhaafin goolhaye
Virgil van Dijk ayaa neefta kusoo celiyay kooxdiisa kulankii Emirates.
Kabtanka Liverpool waa mid nasiib badan – waxa uu ka faa’iidaystay qalad ka dhacay ciyaartooyda Arsenal, wuxuuna madaxa ku kansalay goolkii Bukao Saka.
Intaas wixii ka dambeeyay labada koox ayaa sameeyay fursado ay ku raadinayeen gool, Salah ayaa ku dhawaaday in Liverpool kaga faa,iideeyo qalad ay galeen daafaca Arsenal, laakiin kubadii banaanka ayay ka martay.
Arsenal ayaa hogaanka si lama filaan ah ugu soo laabatay kadib markii Merino uu shabqa gaaray, goolkaa xiddiga Spain wuxuu u. Baahday hubin maadaama Liverpool ka doodeen inuu ahaa offside-ka laakiin ugu dambeyn waa la ansixiyay.
Qeybtii hore ayaa lagu kala nastay 2-1 oo ay hogaanka ciyaarta ku heysay Arsenal, Liverpool shaqo badan ayaa sugeysay qeybta labaad waxaana Slot uu la dhididayay madax ilaa Lugo inuu helo goolka barbaraha ah.
Gabriel oo ahaa halbowlaha difaaca Arsenal ayaa laga saaray ciyaarta kadib dhaawac soo gaaray warkaan uma wanaagsana reer Arsenal oo wadnaha farta saaray xili uu sidookale ganaax ku maqnaa Saliba.
Kiwior ayaa bedelay, isaga oo u dhaqaaqay wadnaha daafaca Arsenal oo uu ku wehlinayay Ben White.
Dhaawaca daafaca reer Brazil ayaa u muuqday mid daran maadaama uu si toos ah kaga baxay qeybta Tunnel-ka, Arteta Tanu waa u niyad jab cusub.
Dhaawac kale oo dhanka daafaca ah ayaa soo gaaray Arsenal oo cukeyska dhaawaca kusii batay markale.
Jurrien Timber ayaa si toos ah isna ugu baxay qeybta tunnel-ka taas oo dhirbaaxo kale ku ah Gunners.
Waxaa lagu bedelay da’yarka Myles Lewis-Skelly. oo kamid ah daafayada dhalinyarada ah ee Arsenal.
Dhibaatooyinka dhaawaca Arsenal ee kulankaan ayaa keentay in la barbareeyo, daqiiqadii 81-aad ee ciyaarta Salah ayaa gool uhu shubay Gunners oo ku dadaaleysay in ay difaacato hogaankeeda.
Nasiib xumo Arsenal caawa dhaawac ayaa lumiyay hami kasta oo ay ka laahayeen ciyaarta Slot ayaana hadda wali heystaa rikoor fiican, inkastoo kooxdiisa dib ugu soo laaban wali hogaanka.
guud ahaan ciyaarta waxay kusoo idlaatay barbaro 2-2 ah, City ayaa ka faa,iideysatay maadaama hogaanka dhibic kaga hayaan Liverpool.