Baladweyne ( Radio Beerlula )-Qorshaha suuqa xagaaga Real Madrid ayaa duqayn kara Anfield iyadoo lala xidhiidhinayo daafaca bidix ee kooxdaas ee Andrew Robertson.
Kooxda haysata Champions League ayaa suuqa ugu jirta saxeexa daafac bidix xilli ay isku diyaarinayso bixitaanka Ferland Mendy oo ka hayaami kara.
Mendy oo sanado kahor heshiis 42 Milyan oo pound ah Lyon kaga yimid ayaa in badan oo xilli ciyaareedkan ah dhaawac kaga maqnaa Real Madrid, walow Eduardo Camavinga bilahan dambe doorkaas si fiican uga ciyaaray haddana da’yarkaas ayaa doorbidaya booskiisa asalka ah ee khadka dhexe.
Real ayaa sidoo kale lala xidhiidhiyay daafaca bidix ee Bayern Munich ee Alphonso Davies oo heshiiskiisa kooxdu ilaa 2025 ku eeg yahay laakiin kooxda ree Germany ayaa sheegtay inuusan marnaba iib ahayn.
Robertson oo fure u ah shaxda tababare Jurgen Klopp ayaa heshiiska uu ku joogo gobolka Merseyside yahay mid gaadhsiisan ilaa 2026.
29 sano jirkaas ayaa kamida xiddigaha heer caalamiga ah ee Reds haystaan waxaynba iibkiisa ku dalban doonaan ugu yaraan in ka badan 40 Milyan oo pound.
Robbo ayaa Liverpool kula soo guuleystay Premier League, Champions League, FA Cup, Carabao Cup, Club World Cup iyo Super Cup.
Heshiis uu ugu wareego Los Blancos ayaa u ballanqaadaysa ka ciyaarista Champions League xilli ciyaareedkan dambe xilli ay Liverpool qarka u saaran tahay inay seegto tartankaas.