Baledweyne ( Radio Beerlula )-Garoonka kubada cagta Buula-Xaableey oo ku yaalo xaafada Xaawo taako ee magaalada Baladweyne ayaa lagu soo gabagabeeyay tartan kubada cagta ah kaasi oo loo qabtay Dhallinyarada Maqalka la’a Islmarkaana laga kala soo xulay afarta Xaafadood waxaa ku guuleeysatay kooxdii matalaysay xaafadaha Xaawo taako iyo Buundoweyn iyaga oo 3 iyo 1 ka adkaaday dhigooda kooxdii matalaysay xaafadaha Howl wadaag iyo kooshin.
Munaasabada abaalmarinada lagu gudoonsiinayay Dhallinyarada ku guuleeystay tartanka ayaa waxaa goob joog ahaa Agaasimaha Caafimaadka Gobalka Hiiraan Xasan Axmed Barkhadle , Gudoomiyaha Ciyaraaha Degmada Baladweyne Cusmaaciil Cali Xasan Sidaani, Macallink Ciyaaraha Ustaad Cabdifitaax Maxamed Cusmaan, Laamaha amniga , ciyaartooydii hore ee gobalka iyo qaybaha kale ee bulshada.
Warkan waxaa inoo haya Bilaal Daahir waaneey.