Baledweyne ( Radio Beerlula )-Tartanka Kabta Dahabka ah ee Premier League ayaa si aad ah u kululaanaya kaddib toddobaadkii toddobaad ee xilli ciyaareedkan, iyadoo xiddigaha Bournemouth, Liverpool, iyo Manchester City ay ku dagaalamayaan abaalmarinta gooldhaliyaha ugu sarreeya horyaalka.
Abaalmarintan waxaa la guddoonsiiyaa gooldaliyaha ugu goolasha badan xilli ciyaareed kasta, waxaana horey u hantiyay magacyo waaweyn sida Thierry Henry, Alan Shearer, Harry Kane, Mohamed Salah iyo Erling Haaland — kuwaas oo dhamaantood lagu xasuusto tayo iyo dedaal dheeri ah.
Halyeeygii Arsenal Thierry Henry ayaa ku guuleystay Kabta Dahabka afar jeer — waana rikoodh aan wali la jebin. Si kastaba ha ahaatee, xiddiga Liverpool Mohamed Salah ayaa fursad u haysta inuu gaaro Henry haddii uu ku guuleysto abaalmarinta xilli ciyaareedkan.
Maamulka Premier League ayaa sheegay in tartanka sanadkan uu noqon karo midka ugu adag sannadihii ugu dambeeyay, iyadoo ciyaartoy badan ay si joogto ah u dhaliyayaan goolal muhiim ah.