Baladweyne (Radio Beerlula)- TikTok ayaa hawada Mareykanka ka baxay, saacado kahor xilliga uu dhaqan-geli lahaa sharciga cusub ee lagu mamnuucayo.
Sawiro lagu baahiyay baraha bulshada ayaa muujiya in bartan Tiktok laga isticmaali karin dalka Mareykanka.
“Nasiib ayaan leennahay in Madaxweyne Trump uu muujiyay inuu inagala shaqeyn doono xal dib loogu soo celinayo TikTok marka uu xilka qabto,” ayaa lagu yiri qoraal ka soo baxay TikTok.
Madaxweynaha la doortay Donald Trump ayaa sheegay inay u badan tahay inuu TikTok siiyo muddo 90 maalmood ah intaan la mamnuucin marka uu xilka qabto maalinta berri ah.