Baladweyne (Radio Beerlula)-Tan iyo markii uu Virgil van Dijk kusoo biiray Premier League bishii Sebtembar 2015, waxa uu noqday mid ka mid ah difaacyada ugu adag horyaalka. Marka laga soo tago awoodiisa difaac, Van Dijk waxa uu sidoo kale door weyn ka qaatay weerarka, isagoo dhaliyay 21 gool oo Premier League ah intii uu la joogay Southampton iyo Liverpool.
Guushan ayaa dhigaysa inuu ka mid yahay daafacyada dhexe ee ugu goolasha badan taariikhda Premier League, iyadoo afar daafac oo kaliya ay ka goolal badan yihiin. Waxaa ka mid ah kabtankii hore ee Liverpool Sami Hyypiä iyo difaacii hore ee Arsenal Laurent Koscielny oo min 22 gool dhaliyay, halka Gary Cahill uu hogaaminayo liiska oo leh 28 gool.
Kartida Van Dijk ee dhanka goolasha ayaa si cad u muuqatay kulankii ugu dambeeyay ee Liverpool ay 2-1 kaga adkaatay West Ham United, isagoo madax ku dhaliyay goolka guusha. Goolkan ayaa ka caawiyay Liverpool dadaalkooda hanashada horyaalka, isla markaana muujiyay khatartiisa labada dhan ee garoonka.