Baledweyne ( Radio Beerlula )-Ciyaaryahankii hore ee Liverpool, Danny Murphy, ayaa sheegay in Manchester City aysan ka fiirsan doonin midkood Mikel Arteta oo Arsenal higaamiya ama Enzo Maresca oo Chelsea ah marka ay doonayaan inay raadiyaan bedelka Pep Guardiola.
Guardiola ayaa ku jira bilihii ugu dambeeyay ee qandaraaskiisa City, walina ma xaqiijinin iinu saxiixi doono qandaraas cusub.
Murphy wuxuu aaminsan yahay in Arteta iyo Maresca, oo labaduba ka soo hoos shaqeeyay tababaraha Isbaanishka waqtigoodii Etihad aysan nooqn karin bedelka saxda ah ee Guardiola.
Sida laga soo xigtay halyeyga Liverpool, City ayaa raadin doonta tababare rikoor fiican u leh ku guulaysiga koobabka hadii uu Guardiola shaqada ka tago.
Qoraal uu ku baahiyay Daily Mail ayuu ku yiri Marphy “Waxa ay bogaadin weyn u tahay Pep Guardiola in laba ka mid ah maamulayaasha
Premier League ugu fiicnaa ay kala soo shaqeeyeen Manchester City islamarkaana ay hadda horumarin badan ku sameynayaan kooxaha Chelsea iyo Arsenal.
Enzo Maresca iyo Mikel Arteta ayaa loo arkaa shaqsiyaadka bedeli kara Guardiola, laakiin halyeyga Reds ayaa fikir kaas ka duwan qaba isagoo leh City waxay u baahan tahay tababare koobab kusoo guuleystay xirfadiisa ciyaareed.
Labaduba way fiidan yihiin, balse rikoorkooda tababare waa mid dhaw oo aan laheyn taariikh guuleed oo lamid ah Guardiola” Danny Murphy ayaa yiri.