Baladweyne ( Radio Beerlula )Wakiilka Roberto Firmino Roger Wittman ayaa xaqiijiyay in xiddiga uu wakiilka u yahay ka tagi doono Liverpool dhamaadka xilli ciyaareedkan.
“Firmino waxa uu ka tagi doonaa Liverpool xagaaga, taas waan xaqiijin karaa ayuu yiri, sida ay soo xigatay Mirror.
Ilo-wareedyo badan ayaa xaqiijiyay in Firmino uu ku wargaliyay Jurgen Klopp go’aankiisa in uu isaga tago kooxda dhamaadka xilli ciyaareedkan.
Tababaraha ayaa doonayay inuu sii haysto xiddiga reer Brazil, laakiin Liverpool ayaa hore ugu diyaar garawday bixitaankiisa iyagoo la soo wareegay Cody Gakpo bishii January.
Roberto Firmino ayaa joogay Liverpool Muddo 8 sano ah oo uu kula guulaystay koobab badan kana mid yihiin premier League iyo champions League.
Firnimo ayaa laf dhabar ka ahaa Liverpool tan ilaa markii uu ku soo biiray kooxda waxana uu dhaliyay goolal badan oo muhiim u ah kooxda Reds.