Baladweyne (Radio Beerlula)-Inkasta oo uu xidhan yahay suuqa kala iibsigu hadana arintaas ayaan kooxaha ka hor istaagayn in ay qorshayso saxiixyada ay u dhaqaaqi doonto suuqa xagaaga.
Kooxaha kala duwan ayaa haatan lala xidhiidhinayaa xiddigaha ay u dhaqaaqi karto marka uu dhamaado xilli ciyaareedkan.
Hadaba waxa aan halkan ku so bandhigi doonaa si maalin leh wararkii ugu dambeeyay ee kooxaha iyo xiddigaha lala xidhiidhinayo ka hor suuqa Xagaaga.
Lionel Messi ayaa loo soo bandhigay heshiis labo sano ah oo uu ugu biiri karo kooxda sucuudiga ka dhisan ee Al Itixaad isaga oo noqon kara xiddiga ugu mushaharka badan taariikhda adduunka (Joan Fontes).
Ciyaaryahanka khadka dhexe ee kooxda Lyon Houssem Aouar ayaa diiday fursad uu ugu dhaqaaqi lahaa Manchester United, waxaana uu taa beddelkeeda ku biiri doonaa kooxda Bundesliga ka ciyaarta ee Eintracht Frankfurt (Daily Express).
Juventus ayaa xiiseyneysa saxiixa ciyaaryahanka khadka dhexe ee Bayern Munich Marcel Sabitzer kaas oo amaah kula jooga kooxda Man United (Calciomercato).
Liverpool ayaa doonaysa in ay la soo saxiixato daafac dhexe oo cusub xagaaga waxana bartilmaameed u ah xiddigaha Antonio Silva, Goncalo Inacio, Levi Colwill, Jarrad Branthwaite, Josko Gvardiol, Perr Schuurs, Nayef Aguerd (GOAL).
Chelsea ayaa dib u soo ceshatay xiisaha ay u qabto Gvardiol, kaas oo ay ku fashilantay saxiixiisa xagaagii hore (The Times).
Kooxaha chelsea iyo Newcastle United ayaa doonaya saxiixa xiddiga kooxda Napoli ee Khvicha Kvaratskhelia (Gazzetta dello Sport).
Manchester City ayaa sidoo kale ka mid ah kooxaha doonaya Kvaratskhelia. (Ben Jacobs)
Eric Maxim Choupo-Moting ayaa ogolaaday in uu hal sano oo qandaraas ah u kordhiyo kooxda Bayern Munich taas oo soo afjaraysa hadal haynta ku aadan in uu u dhaqaaqayo midkood Man Utd ama Tottenham (Sky Sport Germany).
Taa bedelkeeda, Man Utd ayaa bartilmaameedsan doonta weeraryahanka Benfica Goncalo Ramos, kaasoo la heli karo lacag dhan 120 milyan oo euro (Fichajes).
Xiddiga Emile Smith Rowe ayaa ka mid ah 5 xiddig oo doonaya in ay isaga tagaan kooxda Arsenal (The Times).
Kooxda Man City aya doonaysa saxiixa xiddiga khadka dhexe ee kooxda West Ham ee Declan Rice (Teamtalk).
Rice ayaa sidoo kale bartilmaameedka 1-aad u ah kooxda Arsenal xagaaga dambe (Times).