Xabi Alonso Oo Daaha Ka Rogay Waxa Sababay Iney Dortmund Ka Gaaraan Guul Soo Laabasho Leh

0
34

Baladweyne (Radio Beerlula)-Tababaraha Real Madrid, Xabi Alonso, ayaa daaha ka rogay ciyaartii halista badneyd ee uu u arkay midda guusha u sahashay kooxdiisa markii ay 3–2 kaga adkaadeen Borussia Dortmund tartanka Koobka Adduunka ee Naadiyada.

Ka hor kulanka, Alonso waxa uu ciyaartoyda tusay muuqaal hore oo ay ka hortageen kooxda Salzburg, taasoo muujinaysay “soo laabasho cajiib ah” qeybtii labaad. Waxa uu u sheegay ciyaartoyda: “Haddii aad sidan sameysaan, waan guuleysaneynaa.”

Isla ficilkaas – cadaadis degdeg ah oo kooxdu si wadajir ah u saartay Dortmund taasoo sababtay kubad koorno ah – ayaa aheyd fariinta uu Alonso rabay in kooxda fahanto: dadaal kooxeed iyo cadaadis degdeg ah ayaa muhiim u ah guusha casriga ah. Waxqabadka Madrid ee wareegga siddeed dhammaadka ayaa si buuxda u xaqiijisay aragtidiisa.

Istaraatijiyaddan ayaa si weyn u shaqeysay. Real Madrid ayaa ka soo laabatay goolal looga hormaray, waxaana goolal cajiib ah u dhaliyay Gonzalo García, Fran García, iyo labaaley uu dhaliyay Kylian Mbappé si ay guusha u xaqiijiyaan.

Alonso ayaa muujiyay sida hal ciyaar oo tusaale ah ay u noqon karto furaha guusha ee kooxda.

LEAVE A REPLY

Please enter your comment!
Please enter your name here