Baladweyne ( Radio Beerlula )-Weeraryahanka Liverpool, Hugo Ekitike, ayaa sheegay inuu ku faraxsan yahay tartanka uu la geli doono saxiixa cusub ee Alexander Isak si ay u dhacsadaan booska No.9 ee kooxda.
“Waa wax xiiso leh,” ayuu yiri Ekitike mar uu ka jawaabayay su’aal ku saabsan tartanka. “Marka aad u ciyaareyso kooxaha ugu waaweyn, waxaad filaysaa inaad la tartanto ciyaartoyda ugu fiican.
“Isak waa ciyaaryahan aan horay u daawan jiray, markaa waa farxad inuu imanayo. Waan ogahay in tartanku adkaan doono, balse waxaan diiradda saari doonaa inaan si fiican u ciyaaro si ay dhib ugu noqoto inuu tababaraha nakala dooqdo.”
Liverpool ayaa suuqa qarash-gareysay si ay u keento laba weeraryahan oo labaduba jecel inay ka ciyaaraan bartamaha weerarka, taas oo keeni karta isbeddello qaab ciyaareed.
Isak ayaa seegay inta badan diyaar-garowga xilli ciyaareedka, halka Ekitike uu si xoog leh ku billowday, taas oo ka dhigan inay u badan tahay inuu booska sii haysto toddobaadyada soo socda.