Baladweyne ( Radio Beerlula )-Manchester United ayaa lagu soo waramayaa in ayna haatan la soo saxiixan doonin xiddiga Manuel Ugarte xagaagan inkasta oo si weyn loola xidhiidhinay muddo bil ah.
Red Devils ayaa waxaa ka go’an inay xagaagan keento ciyaaryahan khadka dhexe ah, waxaana la rumeysan yahay inay Ugarte u aqoonsatay bartilmaameedkooda ugu horreeya ee garoonka.
Si kastaba ha ahaatee, sida laga soo xigtay The Athletic, Man United ayaa haatan isaga hadhay xiisaha xiddiga iyaga oo diirada saari doona xiddigo kale oo khadka dhexe ah.
Halkan waxa aan ku soo bandhigi doonaa xiddigo ay badalka Ugarte u dhaqaaqi doonaan kadib markii ay uga hadheen Ugarte.
Martin Zubimendi (Real Sociedad):
Dhamaadkii bishii hore, waxaa la sheegay in Man United ay miiska u saartay Zubimendi lacag dhan 60 milyan oo euro si ay u hesho xiddiga lacagtaas ayaana aah mida lagu bur-burinayo heshiiskiisa Sociedad.
Morten Hjulmand (Sporting Lisbon):
Hjulmand ayaa la sheegay inuu ku leeyahay Old Trafford dad aad u jecel, oo uu ku jiro Tababare Ten Hag iyadoo xiddiga heerka caalami ee dalka Denmark loo arko inuu yahay khadka dhexe ee iman kara xagaagan.
Adrien Rabiot (Xor):
Rabiot ayaa beeca xorta ah lagu heli karaa xagaagan isaga oo ku fashilmay in uu heshiis cusub u saxiixo Juventus.