Baladweyne ( Radio Beerlula )-Mushaharka sannadlaha ah ee ay bixiyaan kooxaha horyaalka waddanka Ingiriiska ee Premier League ayaa la shaaciyey iyadoo Chelsea ay noqotay naadiga ugu sarreeya kaddib markii ay soo iibsatay ciyaartooyo tiro badan oo ay kusoo jiidatay lacag.
Chelsea ayaa waxay sannadkii mushahar u bixisaa lacag gaadhaysa £212 milyan oo Gini oo Gini, iyadoo Todd Boehly uu labadii xilli-suuq ee ugu dambeeyey uu kharash gareeyey in ka badan £600 milyan oo Gini iyadoo waliba uu muddo toban bilood oo kaliya ahaa mulkiilaha naadigan.
Manchester United ayaa waxay iyaduna sannadkii mushahar u bixisaa £211 milyan oo Gini oo ay ciyaartoydeedu qadanayaan, halka Manchester City ay bixiso £182 milyan oo Gini.
Arsenal oo ah kooxda horyaalka shanta dhibcood ku hoggaaminaysa ayaa waxa ay sannadkii mushahar u bixisaa in ka yar £100 milyan oo Gini, waxaanay isku dhow yihiin Aston Villa, Everton, West Ham iyo Newcastle United oo dhamaantood mushaharka ay bixiyaan uu u dhexeeyo £76 milyan oo Gini illaa £90 milyan oo Gini sannadkii.
Waxa kusoo xiga Leicester, Crystal Palace, Nottingham Forest, Fulham, Wolves iyo Southampton iyadoo sagxadda hoose ay fadhiyaan Leeds United, Bournemouth iyo Brentford oo ah saddexda kooxood ee mushaharka ugu yar bixiya.
Halkan kaga bogo mushaharka ay koox walba oo Premier League ah sannadkii ku bixiso mushaharka:
