Baladweyne (Radio Beerlula)- Arsenal ayaa lagu soo waramayaa inay isku diyaarinayso inay wadahadalo ku saabsan Declan Rice la furto kooxda West Ham si ay u hesho saxiixa xiddiga khadka dhexe.
Kadib markii rajadooda horyaalku soo dhamaatay guuldaradii 3/0 ahayd ee ka soo gaadhay Brighton, Arsenal ayaa isku diyaarinaysa xilli ciyaareedka dambe.
Tababaraha Arsenal ee Mikel Arteta ayaa rajaynaya in uu sii wado dib u dhiska kooxda siina wado tartanka ay kooxdiisu ugu jirto koobabka.
Kooxda ka dhisan North London ayaa doonaysa in ay xoojiso khadka dhexe xiddia West Ham ee Rice ayaana ah bartilmaameedkooda 1-aad.
Sida laga soo xigtay Daily Mail, Arsenal ayaa kor u qaadaysa dadaalka iyo xiisaha ay u qabaan xiddiga khadka dhexe si ay u helaan saxiixiisa.
Arsenal ayaa diidan in ay bixiso lacagta 100 milayn ee ay West Ham dalbanayso laakiin waxa ay diyaar u tahay in ay wadahadalo la furto si ay uguala heshiiso saxiixa xiddiga.