Baladweyne(Radio Beerlula)- Guddoomiyaha ururka haweenka gobolka Hiiraan Farxaan Cumar Carte ayaa agab waxbarasho oo iskugu jira buugaag, qalimaan iyo boorsooyin u qeybisay ardeyda danyarta ee wax ka barta iskuullada Sigma, ileys, somali international, iyo Universal.
Cabdifatax Maxamed Cismaan oo ka mid ah macalimiinta wax ka dhiga iskuulka sigma ayaa sheegay in ardeyda danyarta ay baahi weyn u qabeen agabkan waxbarasho ee la guddoonsiiyay.
Qar ka mid ah ardeyda la guddoonsiyay ayaa u mahad celiyay ururka haweenka gobolka Hiiraan.
Farxaan Cumar Carte ayaa maamulka iyo hay’addaha samafalka ugu baaqday inay garab istagan caruurtan danyarta si ay wax u bartan.
Warbixintan waxaa noo heysa Xaawo Luul Aadan Xuseen.
