Baladweyne(Radio Beerlula)- Kooxda kubadda cagta Inter Milan ee ka dhisan Magaalada Milan ee Waddanka Talyaaniga ayaa soo bandhigtay maaliyadeeda martida ee ay ku ciyaari doonto xilli ciyaareedka cusub.
Maaliyaddan cusub oo uu midabkeedu yahay cagaar qafiif ah, waxaa farsameysay shirkadda qalabka isboortiga ee Nike, waxaana bandhigisteeda ka qeyb qaatay dhowr ciyaaryahan oo ka tirsan kooxda ku dheesha San Siro.
Waxaa maaliyaddaan cusub shafka kaga dheggan Magaca Shirkadda Pirelli oo ay xayeysiiso, astaanta kooxda iyo midda shirkadda Nike, iyadoo kuleetiga iyo afka hore ee gacmaha ay maaliyaddan ka leedahay aarad madow ah oo ay dhexda kaga taallo diilin hurdi ah.