Baladweyne (Radio Beerlula)-Kabtan ku xigeenka xulka qaranka Somaliya ee Cabdi Caziiz Baaxuur ayaa ka hadlay kulanka uu xulka qaranka Somaliya ee 17 jiradu la ciyaari doonaan xulka Congo.
Xulka Somaliya ayaa caawa la ciyaari doona xulka Congo kulankooda 2-aad ee tartanka koobka Africa ee tartanka 17 jirada ee ka socda dalka Algeria.
Cabdi Caziiz Baaxuur oo arintaas ka hadlaya ayaa yidhi”Waxa aan daawanay kulankii dhexmaray Congo Iyo Senegal, waxa aan eegnay waxa aan ku shaqayn karno iyo waxa ay tahay in aan iska saxdno ee aan khaladnay kulankii Algeria”.
“Waxa jira waxyaabo yar oo ay tahay in aan iska saxno, waxana aan ku saxnay tababarka haatana waxa aan sugaynaa kulanka Congo, waxa uu noqon doonaa kulan fiican”
“Insha allah waanu badin doonaa, Illahay ayaanu aamini doonaa, wax walba oo dhaca waanu qaadan doonaa waxana aan odhan doonaa “Alxamdulilaah””.