Baladweyne (Radio Beerlula)- Tababaraha Kooxda Liverpool ee Jurgen Klopp ayaa ka hadlay sababtii uu xiddiga Ibrahima Konate U seegay kulankii West Ham ee horyaalka premier League.
Liveprool ayaa 2/1 uga badisay kooxda West Ham kulan uu Joel Matip ku bilowday daafaca dhexe kana garab ciyaaray xiddiga Virgil Van Dijk.
“Ibrahima Konate wuu ciyaari karay kulanka, dhaawac ma ahan, laakiin 2-dii ilaa 3-dii todobaad ee ugu dambeyay wuu ciyaray sidaas darteed waxa aan siinay nasiino”.
“Waxa aan nasiino siinay hal ilaa 2 maalin sidaas darteed waxa aan go’aansanay in uu kulankan ka maqnaado”.
“Haata waa in aan hubino in uu si fiican u soo kabsado, laakiin dhaawac ma ahan waa sababta aan uga reebnay kulanka”.
Joel Matip oo badalay Ibrahima Konate Ayaa dhaliyay goolka guusha ee kooxdiisa isaga oo ka caawiyay in ay guul soo laabasho leh ka gaadho West Ham.