Baladweyne(Radio Beerlula)- Munaasabadan oo aheyd mid lagu soo bandhigayay dalagyada ka soo go’a beeraha gobolka Hiiraan ayaa waxaa ka qeyb galay duqa magaalada Baladweyne iyo iskaashatada Beeraleyda damaloow.
Iskaashatada Beeraleyda damaloow ayaa goobta munaasabadda ku soo bandhigay qudaarta nuucyadeeda kala duwan taasoo sannadkii ugu dambeeyay uu gobolka Hiiraan horumar ka gaaray.
Qaar ka mid ah iskaashatada Beeraleyda damaloow ayaa maamulka iyo xubnaha ka qeyb galay munaasabadda ka dalbaday in lagu garab istaago wax soo saarka beeraha.
Duqa magaalada Baladweyne Khadar Xassan Afrax ayaa beerleyda ku dhiri geliyay inay sii laba jibaaran dadaalka ay ugu jiran wax soo saarka.
Warbixintan waxaa noo haya Cumar Yuusuf Aadan Ameerika.