Baladweyne(Radio Beerlula)- Guddiga Dastuurka labada gole ee Baarlamaanka Soomaaliya ayaa kala wareegay Guddiga Madaxbanaan ee Dastuurka shanti cutub ee ugu dambeysay dastuurka Soomaaliya oo dib u eegis lagu sameeyay.
Muumino sheikh Cumar Gudoomiyaha guddiga madaxa banaan ee dastuurka Soomaaliya ayaa sheegtay in dib u eegis lagu sameeyay dhammaan cutubyada uu ka kooban yahay dastuurka dalka islamarkana wixi hadda kadib gobollada loo tagi doono wadatashi iyadoo ka dalbadatay madaxda maamul gobolladayada in la siyaasadeyn arrimaha dastuurka islamarkana loo fududeeyo guddiga howlahooda.
Guddoomiyaha guddiga dastuurka labada gole ee baarlamanka Soomaaliya Cabdi Xassan Cawaale qeybdiid ayaa sheegay in qodobada ku jira dastuurka qaarkood u baahan yihiin wada xaajood siyaasadeed in laga galo.
